Վերաքննիչ քրեական դատարանի դատավոր Ռուզաննա Բարսեղյանը դատական համակարգում է 1996 թվականից։

1996 թվականից մինչև 1999 թվականն աշխատել է Ապարանի շրջանի վարչական տարածքի դատավոր։

1999 թվականից մինչև 2014 թվականը աշխատել է Արագածոտնի մարզի ընդհանուր իրավասության դատարանի դատավոր։

Նախագահի 2014 թվականի դեկտեմբերի 13-ի հրամանագրով նշանակվել է վերաքննիչ քրեական դատարանի դատավոր:

Իրավաբան.net-ը շարունակում է ձեզ ներկայացնել դատական իշխանության ներկայացուցիչների գույքի ու եկամուտների հայտարարագրերը:

2011 թվականին, շարունակելով ստանձնել Արագածոտնի մարզի ընդհանուր իրավասության դատարանի դատավորի պաշտոնը, Ռ․ Բարսեղյանը հայտարարագրել է կամուտը՝ 10 միլիոն 36 հազար դրամի չափով, որը ստացվել է 2 աղբյուրից․

• Աշխատավարձ – 9 միլիոն 36 հազար դրամ,
• Ստացված փոխառություն -1 միլիոն դրամ:

2012 հարկային տարում դատավորը հայտարարագրել է եկամուտ՝ 9 միլիոն 401 հազար դրամի չափով, որը ստացվել է 2 աղբյուրից․

• Աշխատավարձ – 8 միլիոն 401 հազար դրամ,
• Ստացված փոխառություն – 1 միլիոն դրամ:

2013 թվականին Ռ․ Բարսեղյանը հայտարարագրել է 12 միլիոն 931 հազար դրամ եկամուտ, որը ստացվել է 3 աղբյուրներից․

• Աշխատավարձ – 9 միլիոն 931 հազար դրամ,
• Ստացված փոխառություն – 1 միլիոն դրամ,
• Ստացված փոխառություն – 2 միլիոն դրամ:

2014 թվականի սկզբին բարձրաստիճան պաշտոնատար անձը հայտարարագրել է հանձնված կամ վերադարձված փոխառություն՝ 1 միլիոն 729 հազար դրամի չափով։

2014 հարկային տարում դատավորի եկամուտը կազմել է 13 միլիոն 163 հազար դրամ, որը ստացվել է 3 աղբյուրներից․

• Աշխատանք – 451 հազար դրամ,
• Աշխատավարձ – 11 միլիոն 710 հազար դրամ,
• Տրված փոխառությունների -1 միլիոն դրամ:

2014 թվականին, ստանձնելով վերաքննիչ քրեական դատարանի դատավորի պաշտոնը, դատավոր Ռուզաննա Բարսեղյանը հայտարարագրել է անհատական բնակելի տուն:

Պաշտոնը ստանձնելու հարկային տարում դատավորի եկամուտը կազմել է 11 միլիոն 712 հազար դրամ, որը ստացվել է աշխատավարձից։

2015 թվականին դատավորը հայտարարագրել է 5 միլիոն դրամ դրամական միջոց, դատավորի եկամուտը կազմել է 10 միլիոն 396 հազար դրամ, որը ստացվել է աշխատավարձից։

2016 թվականին դատավորը հայտարարագրել է 5 միլիոն դրամ դրամական միջոց, դատավորի եկամուտը կազմել է 10 միլիոն 419 հազար դրամ, որը ստացվել է աշխատավարձից։

2017  թվականին դատավորը հայտարարագրել է հանձնած փոխառություն՝ 250 հազար դրամի չափով:

Տարեսկզբին դատավորը հայտարարագրել է 5 միլիոն դրամ դրամական միջոց, տարեվերջում՝ 0 դրամ։

Հարկային տարում դատավորի եկամուտը կազմել է 10 միլիոն 448 հազար դրամ, որը ստացվել է աշխատավարձից։

2018 թվականին դատավորը հայտարարագրել է հանձնած փոխառություն՝ 38 հազար դրամի չափով։

Հարկային տարվա եկամուտը կազմել է 10 միլիոն 198 հազար դրամ, որը ստացվել է աշխատավարձից։

Դատավորի ամուսինը, Սուրեն Առաքելյանը ևս ներկայացրել է հայտարարագրեր:

2011 հարկային տարում Ս․ Առաքելյանը հայտարարագրել է եկամուտ՝ 1 միլիոն 495 հազար դրամ, որը ստացվել է աշխատավարձից։

2012 թվականին 1 միլիոն 899 հազար դրամ եկամուտ է հայտարարագրվել, որը ստացվել է 2 աշխատավարձից։

2013 թվականին ստացվել է եկամուտ՝ 2 միլիոն 350 հազար դրամի չափթվ, որը ստացվել է 2 աշխատավարձից։

2014 թվականին Ս․ Առաքելյանը հայտարարագրել է MERCEDES-BENZ 190 E 2.0 մակնիշի ավտոմեքենա, որի արժեքը 600 հազար դրամ է կազմել։

Տարեսկզբում հայտարարագրվել է դրամական միջոց՝ 600 հազար դրամի չափով, տարեվերջում՝ 0 դրամ։

Ս․ Առաքելյանի հարկային տարվա եկամուտը կազմել է 2 միլիոն 250 հազար դրամ, որը ստացվել է 2 աղբյուրից․

• Աշխատավարձ – 1 միլիոն 650 հազար դրամ,
• Գույքը օտարելուց ստացված եկամուտ – 600 հազար դրամ:

2015 թվականին հայտարարագրվել է եկամուտ՝ 1 միլիոն 725 հազար դրամի չափթվ, որը ստացվել է 2 աղբյուրից․

• Աշխատավարձ – 1 միլիոն 236 հազար դրամ,
• Կենսաթոշակ – 489 հազար դրամ:

2016 թվականին հայտարարագրվել է 1 միլիոն 725 հազար դրամ եկամուտ, որը ստացվել է 2 աղբյուրից․

• Աշխատավարձ – 1 միլիոն 236 հազար դրամ,
• Կենսաթոշակ – 489 հազար դրամ: 

2017 թվականին Ս․ Առաքելյանը հայտարարագրել է 1 միլիոն 740 հազար դրամ եկամուտ, որը ստացվել է 2 աղբյուրից․

• Աշխատավարձ – 1 միլիոն 236 հազար դրամ,
• Կենսաթոշակ – 504 հազար դրամ:

2018 թվականին Ս․ Առաքելյանի եկամուտը կազմել է 1 միլիոն 767 հազար դրամ, որը ստացվել է 2 աղբյուրից․

• Աշխատավարձ – 1 միլիոն 248 հազար դրամ,
• Կենսաթոշակ – 519 հազար դրամ:

Ներկայացված են նաև դատավորի որդիների՝ Դավիթ և Արման Առաքելյանների հայտարարագրերը․

Արման Առաքելյանը 2011 թվականին հայտարարագրել է շարժական գույք, որի մասին տվյալներ չկան։ Հարկային տարում Ա․ Առաքելյանի եկամուտը կազմել է 2 միլիոն 13 հազար դրամ, որը ստացվել է 2 աղբյուրից․

• Աշխատավարձ – 1 միլիոն 763 հազար դրամ,
• Ստացված փոխառություն – 750 հազար դրամ:

2012 թվականին Ա․ Առաքելյանը հայտարարագրել է  4 միլիոն 474 հազար դրամի չափով եկամուտ, որը ստացվել է 5 աղբյուրից․

• Աշխատավարձ – 1 միլիոն 819 հազար դրամ,
• Ստացված փոխառություն – 250 հազար դրամ,
• Ստացված փոխառություն – 305 հազար դրամ,
• Ստացված փոխառություն – 800 հազար դրամ,
• Ստացված փոխառություն – 1 միլիոն 300 հազար դրամ:

2013 թվականին Ա․ Առաքելյանը հայտարարագրել է եկամուտ՝ 5 միլիոն 299 հազար դրաի չափով, որը ստացվել է 4 աղբյուրից․

• Աշխատավարձ – 1 միլիոն 579 հազար դրամ
• Ստացված փոխառություն – 1 միլիոն 300 հազար դրամ
• Ստացված փոխառություն – 2 միլիոն դրամ
• Ստացված փոխառություն – 420 հազար դրամ

2013 թվականի հայտարարագիրը վերջինն է, որ ներկայացվել է Արման Առաքելյանի կողմից։

Դավիթ Առաքելյանի 2011-2018 թթ․-ի հայտարարագրերում որևէ տվյալ չկա։

Ձեզ ենք ներկայացնում դատավորի կենսագրությունը․

Ռուզաննա Հակոբի Բարսեղյան

Ծնվել է 1958 թվականին ՎԽՍՀ Տկիբուլի քաղաքում։

1975 թվականից մինչև 1978 թվականն աշխատել է Ապարանի «ՆԻԳ» գործարանում՝ որպես բանվորուհի։

1979 թվականից մինչև 1996 թվականն աշխատել է Ապարանի շրջանի ժողդատարանում՝ որպես դատական նիստերի քարտուղար։

1982 թվականից մինչև 1988 թվականը սովորել է ԵՊՀ իրավաբանական ֆակուլտետում։

1999 թվականից մինչև 2004 թվականը եղել է ՀՀ Արդարադատության խորհրդի անդամ։

2007 թվականին Հայաստանի Հանրապետության Նախագահի կողմից պարգևատրվել է Մխիթար Գոշի մեդալով:

2009 թվականին վերընտրվել է ՀՀ Արդարադատության խորհրդի անդամ:

2010 թվականին ԱՄՆ կառավարության կողմից ստացել է «Ազատության պաշտպան» մրցանակ:

2014 թվականին վերընտրվել է ՀՀ Արդարադատության խորհրդի անդամ:

Լիլիթ Խանոյան