Էդգար Սեդրակյանը նշանակվել է ՀՀ վճռաբեկ դատարանի դատավոր՝ ՀՀ նախագահի 2018 թվականի սեպտեմբերի 15-ի ՆՀ-408-Ա հրամանագրով: Մինչ այդ նա աշխատել է Կոտայքի, այնուհետև Երևանի ընդհանուր իրավասության դատարաններում:

Իրավաբան.net-ը շարունակում է ձեզ ներկայացնել դատական իշխանության ներկայացուցիչների Բարձրաստիճան պաշտոնատար անձանց էթիկայի հանձնաողովին ներկայացրած գույքի ու եկամուտների հայտարարագրերը:

2011 թվականին, երբ Էդգար Սեդրակյանը Կոտայքի մարզի ընդհանուր իրավասության դատարանի դատավոր էր, հայտարարագրել է 30,5  միլիոն դրամ, 93 հազար դոլար, 21 հազար եվրո: Նրա եկամուտները կազմել են 2 միլիոն 945 հազար դրամ, որը ստացվել է 2 աշխատավարձից:

2012 թ-ին նրա դրամական միջոցները կազմել են՝ 29,5 միլիոն դրամ, 92,5 հազար դոլար, 20,500 եվրո: Աշխատավարձից ստացված եկամուտը կազմել է 4 միլիոն 310 հազար դրամ:

2013 թ-ին դատավորը 57 միլիոն 441 հազար դրամ արժողությամբ բնակարան է ձեռք բերել, որը հարկային տարվա վերջում առկա չի եղել: Նա անև անշարժ գույքի հետ կապված 2 գործարք է կատարել, սակայն նշված թե ինչ: Դատավորի խնայողություններն այդ տարում կազմել են 19,5 միլիոն դրամ, 89,5 հազար դոլար, 20,5 հազար եվրո: Աշխատավարձից ստացված եկամուտը կազմել է 5 միլիոն 904 հազար դրամ:

2014 թ-ին նրա խնայողությունները մնացել են անփոփոխ, իսկ եկամուտները ստացվել են 2 աշխատավարձից՝ 5 միլիոն 372 հազար դրամ:

2015-թ-ին Էդգար Սեդրակյանի դրամական միջոցները կազմել են 20 միլիոն 700 հազար դրամ, 89,5 հազար դոլար, 20,5 հազար եվրո: Իսկ աշխատավարձից ստացված եկամուտը կազմել է 6 միլիոն 788 հազար դրամ:

2016 թվականին, երբ Էդգար Սեդրակյանը ստանձնել է Երևան քաղաքի Ավան և Նոր-Նորք վարչական շրջանների ընդհանուր իրավասության դատարանի դատավորի պաշտոնը՝ հայտարարագրել է. 22,5 միլիոն դրամ,89,5 հազար դոլար, 20,5 հազար եվրո: Նրա եկամուտները ստացվել են 2 աշխատավարձերից՝ կազմելով 4 միլիոն 252 հազար դրամ:

2016 թվականի տարեկան հայտարարգրի պարզ է դառնում, որ դատավորը 2,5 միլիոն դրամի դիմաց օտարել է Nissan Tiida մակնի ավտոմեքենան և 2 միլիոն դրամի դիմաց ձեռք բերել Toyota Camry մակնիշի մեքենան:

Նրա խնայողությունները կազմել են 23 միլիոն դրամ,  89,5 հազար դոլար, 20,5 հազար եվրո: Եկամուտները ստացվել են 3 աշախատավարեձերից և մեքենայի օտարումից՝ կազմելով 10 միլիոն 393 հազար դրամ:

2017 թ-ին նրա դրամական միջոցները նվազել են 1 միլիոն դրամով, իսկ աշխատավարձից ստացված եկամուտը կազմել է 7 միլիոն դրամ:

2018 թվականին՝ դատավորը հայտարարագրել է.

• 22 միլիոն դրամ,
• 89 հազար դոլար,
• 20 հազար եվրո:

Նրա եկամուտները սացվել են 2 աշխատավարձից և կազմել 8 միլիոն 435 հազար դրամ:

Դատավոր Էդգար Սեդրակյանի կինը՝ Լեյլա Խեչումյանը հայտարարագրել է.

• 2011 թ. – դրամական միջոցները՝ 6 միլիոն 900 հազար դրամ, 24 հազար դոլար, 11 հազար եվրո, եկամուտը ստացվել է աշխատավարձից՝ 520 հազար դրամ:
• 2012 թ. – դրամական միջոցները՝ 6 միլիոն 850 հազար դրամ, 23,5 հազար դոլար, 10,5 հազար եվրո: Եկամուտները մանցել են անփոփոխ:
• 2013 թ. – դրամական միջոցները նվազել են՝ կազմելով 4,5 միլիոն դրամ, 15 հազար դոլար, 9500 եվրո: Աշխատավարձից ստացված եկամուտը կազմել է 682 հազար դրամ:
• 2014 թ. – խնայողությունները մնացել են անփոփոխ: Եկամուտըս տացվել է 2 աշխատավարձից՝ 2 միլիոն 269 հազար դրամ:
• 2015 թ. – դրամական միջոցները՝ 5 միլիոն 200 հազար դրամ, 15 հազար դոլար, 9500 եվրո: Աշխատավարձից ստացված եկամուտը՝ 2 միլին 757 հազար դրամ:
• 2016 թ. դրամական միջոցներն ավելացել են 1 միլիոն դրամով: Եկամուտները մնացել նույնը:
• 2017 թ. – խնայողությունները մնացել են նույնը, իսկ աշխատավարձից ստացված եկամուտը կազմել է 3 միլիոն 108 հազար դրամ:
• 2018 թ- դրամական միջոցները՝ 6 միլիոն 900 հազար դրամ, 15 հազար դոլար, 9500 եվրո, աշխատավարձից ստացված եկամուտը՝ 3 միլիոն 483 հազար դրամ:

Դատավոր Էդգար Սեդրակյանի որդու՝ Արեգ Սեդրակյանի 2017 և 2018 թվականի հայտարարագրերում ոչինչ նշված չէ:

Ստորև ձեզ ենք ներկայացնում նաև դատավոր Էդգար Սեդրակյանի կենսագրությունը: 

Ծնվել է 1969 թվականին Երևան քաղաքում:

1987-1989թթ. ծառայել է Խորհրդային բանակում:

1993թ. ավարտել է Երևանի պետական համալսարանի պատմության ֆակուլտետը:

2003թ. ավարտել է Մոսկվայի տնտեսագիտության, վիճակագրության և ինֆորմատիկայի պետական համալսարանի իրավաբանական ֆակուլտետը:

1986թթ. աշխատել է «Շինարարական մոնտաժային վարչություն -15» Երևանշին ձեռնարկությունում:

1991-1993թթ. եղել է ԵՊՀ Հայաստանի երիտասարդների միության խորհրդի նախագահ:

1993-1994թթ. աշխատել է ՀՀ կառավարությանն առընթեր սպորտի, ֆիզկուլտուրայի և երիտասարդության հարցերի վարչությունում` որպես մասնագետ, այնուհետև` երիտասարդության հարցերով բաժնի վարիչ:

1994-1995թթ. աշխատել է ՀՀ Գերագույն խորհրդի լրատվական կենտրոնի խմբագիր:

1995-1998թթ. աշխատել է ՀՀ Ազգային ժողովի աշխատակազմի ղեկավարի օգնական, տնտեսական վարչության ավագ խորհրդատու, արարողակարգի վարչությունում` գլխավոր մասնագետ, պետի պաշտոնակատար:

1998-1999թթ. աշխատել է ՀՀ Ազգային ժողովի արտաքին հարաբերությունների մշտական հանձնաժողովի փորձագետ:

1998-2000թթ. աշխատել է Երևանի առևտրաիրավագիտական տեխնիկումի տնօրեն:

2000-2005թթ. աշխատել է Երևանի իրավատնտեսագիտական և կառավարման քոլեջ հիմնադրամի նախագահ:

2005-2011թթ. աշխատել է ՀՀ վճռաբեկ դատարանի աշխատակազմի ղեկավար:

2006-2007թթ. աշխատել է ՀՀ դատական դեպարտամենտի ղեկավար:

2007-2011թթ. եղել է ՀՀ Կենտրոնական ընտրական հանձնաժողովի անդամ:

2007թ. ՀՀ նախագահի հրամանագրով շնորհվել է դատական ծառայության երկրորդ դասի բարձրագույն խորհրդականի դասային աստիճան:

2011թ. հոկտեմբերի 17-ի ՀՀ Նախագահի հրամանագրով նշանակվել է Կոտայքի մարզի ընդհանուր իրավասության դատարանի դատավոր:

2016թ. մայիսի 27-ի ՀՀ Նախագահի հրամանագրով նշանակվել է Ավան և Նոր-Նորք վարչական շրջանների ընդհանուր իրավասության դատարանի դատավոր:

ՀՀ ԱԺ կողմից 2017 թվականի դեկտեմբերի 21-ի թիվ ՀՕ-34-Ն օրենքի համաձայն շարունակում է պաշտոնավարել Երևան քաղաքի ընդհանուր իրավասության դատարանի դատավորի պաշտոնում:

ՀՀ նախագահի՝ 2018 թվականի սեպտեմբերի 15-ի ՆՀ-408-Ա հրամանագրով՝ նշանակվել է ՀՀ վճռաբեկ դատարանի դատավոր:

Ալիսա Չիլինգարյան