Հարկ վճարողի հաշվառման համարի միակության ապահովման նպատակով, այն տրամադրվում է վարչատարածքային հարկային մարմինների կողմից` ըստ ձեռնարկության, անհատ ձեռներեցի, կազմակերպության պետական գրանցման գտնվելու վայրի (հասցեի) վարչատարածքային պատկանելության:
ՀՎՀՀ ստանալու համար հարկատուն լրացնում է ՀՎՀՀ տրամադրման քարտը:
Եթե հարկատուն հաշվառված չէ վարչատարածքային ՀՊՏ-ում, ՀՎՀՀ նախապես չի տրամադրվում, այլ հարկատուից պահանջվում են Հայաստանի Հանրապետության օրենսդրությամբ սահմանված փաստաթղթեր, որից հետո միայն կատարվում է նրա հաշվառումը:
Հարկատուին տրվում է կնիքով հաստատված փաստաթուղթ, որում նշված է հարկատուի ՀՎՀՀ-ն և անվանումը (անհատ ձեռներեցի անունը, ազգանունը և հայրանունը):
