Ռուսաստանի Դաշնության նախագահ Վլադիմիր Պուտինը հայտարարել է, որ ԵԱՏՄ առաջնորդները պայմանավորվել են կազմակերպության հոբելյանական գագաթնաժողովն անցկացնել 2024 թվականին Մոսկվայում։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«Ինչպես մեկ անգամ չէ, որ նշել ենք, հաջորդ տարի լրանում է ԵԱՏՄ-ի հիմնարար պայմանագրի կնքման 10-ամյակը, և մենք այժմ նեղ ձևաչափով պայմանավորվել ենք հոբելյանական միջոցառմանը նվիրված գագաթնաժողովը 2024 թվականի մայիսին անցկացնել Մոսկվայում»,- ասել է Պուտինը Եվրասիական տնտեսական բարձրագույն խորհրդի ընդլայնված կազմով նիստի ժամանակ։
Նրա խոսքով՝ այդ գագաթնաժողովը սերտ և համատեղ աշխատանքի նոր տասնամյակ կբացի ինտեգրացիայի խորացման և ԵԱՏՄ երկրների քաղաքացիների բարեկեցության ու կյանքի որակի բարելավման համար:
