Առողջապահության համաշխարհային կազմակերպությունը չի կարող տարհանել հիվանդանոցները Գազայի հատվածից: Այս մասին ԱՀԿ-ի գլխավոր տնօրեն Թեդրոս Ադանոմ Գեբրեյեսուսը գրել է X սոցիալական ցանցի իր էջում (նախկին Twitter):
«Մենք կրկնում ենք՝ անհնար է տարհանել հիվանդներով լի հիվանդանոցները՝ առանց նրանց կյանքը վտանգի ենթարկելու», — փաստել է ԱՀԿ ղեկավարը:
Նա հավելել է, որ խորապես մտահոգված է Գազայի հատվածում «Ալ Քուդս» հիվանդանոցի տարհանման սպառնալիքների մասին Պաղեստինյան Կարմիր մահիկի ընկերության հաղորդագրության կապակցությամբ: Ավելի վաղ նման պահանջով հանդես էր եկել իսրայելական կողմը։
