Ուկրաինայի ռազմական ռեսուրսը գրեթե սպառվել է․ այս մասին Միջազգային անվտանգության հարցերով մոսկովյան 11-րդ համաժողովում հայտարարել է Ռուսաստանի պաշտպանության նախարար, բանակի գեներալ Սերգեյ Շոյգուն։
Այս մասին գրում է Pиа новости-ն։
«Ռազմական գործողությունների նախնական արդյունքները ցույց են տալիս, որ Ուկրաինայի ռազմական ռեսուրսը գրեթե սպառվել է»,- ասել է նա։
Շոյգուն նշել է, որ Կիևին աջակցելու կարգախոսով ԱՄՆ-ն մաքրում է աշխարհի տարբեր տարածաշրջանների գործընկերներից ռազմական զինանոցները՝ դրա դիմաց խոստանալով արևմտյան արտադրության տեխնիկայի արտոնյալ մատակարարումները։
Նա նաև մատնանշել է Արևմուտքի դերը Ուկրաինայի մարտերում։
«Այսօր Ռուսաստանին հակադրվում են ոչ թե Ուկրաինայի զինված ուժերը, այլ ամբողջ հավաքական Արևմուտքը, որին վերջերս են միացել Ասիա-խաղաղօվկիանոսյան տարածաշրջանի առանձին պետություններ»,- ասել է նախարարը։
Նրա խոսքով՝ օտարերկրյա խորհրդականներն օգտագործում են ուկրաինացի զինվորներին՝ որպես կենդանի ուժ՝ կիրառելու արևմտյան զենքի կիրառմամբ մարտեր վարելու տարբեր տարբերակներ։ Ընդ որում, նրանք հաշվի չեն առնում Ուկրաինայի զինված ուժերում կորուստների մակարդակը։
