Հյուսիսային Ամերիկայի օդատիեզերական պաշտպանության միացյալ հրամանատարությունը (NORAD) Հյուսիսային Կանադայի երկնքում անհայտ օբյեկտ է խոցել: Այս մասին փետրվարի 11-ին Twitter-ում հայտնել է Կանադայի վարչապետ Ջասթին Թրյուդոն։
«Ես հրամայել եմ խոցել անհայտ օբյեկտը, որը խախտել է Կանադայի օդային տարածքը։ NORAD-ը Յուկոնի վրայով օբյեկտ է խոցել»,- ասել է նա՝ հավելելով, որ օբյեկտը խոցվել է ամերիկյան F-22 կործանիչի կողմից։
Բացի այդ, Թրյուդոն ասել է, որ ԱՄՆ նախագահ Ջո Բայդենի հետ քննարկել է Կանադայի երկնքում անհայտ օբյեկտի շուրջ ստեղծված իրավիճակը։ Նրա խոսքով՝ «այժմ կանադացի զինվորականները կհայտնաբերեն և կվերլուծեն օբյեկտի բեկորները»։
Ավելի վաղ Global News հեռուստաալիքը հայտնել էր, որ Հյուսիսային Ամերիկայի օդատիեզերական պաշտպանության միացյալ հրամանատարությունը վերահսկում է երկնքում մեկ կամ երկու օբյեկտների տեղաշարժը Հյուսիսային Կանադայի տարածքով։ Ըստ նրա աղբյուրների՝ դրանք «կարող են լինել լրտեսական սարքեր»։
J’ai ordonné que soit ramené au sol un objet non identifié qui violait l’espace aérien canadien. Le @NORADCommand a abattu l’objet au-dessus du Yukon. Des avions du Canada et des États-Unis ont été dépêchés sur les lieux, et le tir provenant du U.S. F-22 a atteint l’objet.
— Justin Trudeau (@JustinTrudeau) February 11, 2023
