21-ամյա Արթուր Բ․-ն 2021 թվականի հունվարին Վանաձորի կիսաքանդ շինություններից մեկում սեռական հարաբերություն է ունեցել 16 տարին չլրացած Է.Ա․-ի հետ, որի արդյունքում վերջինս հղիացել է: Այս մասին Iravaban.net-ը տեղեկանում է «Դատալեքս» դատական տեղեկատվական համակարգից։
Գործը դատարան է մուտքագրվել 2023 թվականի փետրվարի մեկին և մակագրվել դատավոր Լուսինե Սեփխանյանին։
Արթուր Բ․-ին մեղադրանք է առաջադրվել Քրեական օրենսգրքի 141-րդ հոդվածի առաջաին մասի (Սեռական հարաբերությունը տասնվեց տարին չլրացած անձի հետ կամ սեքսուալ բնույթի գործողություններ կատարելը տասնվեց տարին չլրացած անձի նկատմամբ) հատկանիշներով։
Նրա նկատմամբ խափանման միջոց է ընտրվել՝ բացակայելու արգելքը։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
