Ռուսաստանը չի ներգրավվի Աֆղանստանում զինված հակամարտության մեջ։ Հայտարարել է ՌԴ նախագահ Վլադիմիր Պուտինը:
Այս մասին հայտնում է «ՌԻԱ Նովոստին»։
«Մենք ուշադիր հետևում ենք Աֆղանստանում տիրող իրավիճակին, բայց չենք միջամտելու, առավել ևս՝ ներգրավվելու «բոլորը բոլորի դեմ» զինված հակամարտությանը
։Դուք գիտեք, թե ինչ դժվար, տագնապալի իրավիճակ է ստեղծվել այսօր Աֆղանստանում: Մենք ուշադիր հետևում ենք զարգացումներին, նաև ակտիվորեն համագործակցում ենք ՀԱՊԿ մեր դաշնակիցների հետ»,- ասել է Պուտինը՝ ելույթ ունենալով «Եդինայա Ռոսիա» կոնգրեսում:
