Առևանգման համար մեղադրվող Գագիկ Մուրադյանի գործով նիստի ընթացքում գործով տուժող ճանաչված Վահրամ Սայանը բաժակով ջուրը շպրտել է Մուրդայանի պաշտպան Լիանա Բալյանի վրա:
Նիստը նախագահում էր դատավոր Վաչե Մարգարյանը:
«Շատ անակնկալ այդ ամենը տեղի ունեցավ: Բաժակով ջուրը գցեց ինձ վրա, հայհոյեց Գագիկ Մուրադյանին: Տուժողը ցուցմունք էր տալիս, տեսավ, որ չի կարողանում իր ասածը հիմնավորել, հարձակվեց մեզ վրա»,-նշեց պաշտպանը:
Նշենք, որ Գագիկ Մուրադյանին մեղադրանք է առաջադրվել այն բանի համար, որ նա շահադիտական դրդումներով, Ռոբերտ Մարտիրոսյանի հետ նախնական համաձայնությամբ, առևանգել է Վահրամ Սաիյանին, որից հետո Արմեն Գրիգորյանի հետ նախնական համաձայնության գալով, Վահրամ Սաիյանի նկատմամբ բռնություն գործադրելու սպառնալիքով՝ կատարել է առանձնապես խոշոր չափերի շորթում։
Մանրամասները՝ տեսանյութում:
