Միսակ Մարտիրոսյանի և մյուսների գործով դատավճիռը կայացվեց նախորդ շաբաթ։ Վեց տարի ազատազրկման դատապարտվեցին Դատական դեպարտամենտի նախկին ղեկավարը՝ Միսակ Մարտիրոսյանը և նրա առաջին տեղակալը` Գեղամ Գրիգորյանը։
Գեղամ Գրիգորյանի փաստաբանը՝ Տիգրան Աթանեսյանը մեզ հետ զրույցում ասաց․ «Ամենածանր պատիժը սահմանվեց Գեղամ Գրիգորյանի համար։ Սա շատ տարօրինակ է, որովհետև եթե դատարանը դիտել է հանցավոր խումբ, ապա կազմակերպիչը՝ ոգևորողն այս հանցագործության, ստանում է երեք տարի և դատական նիստերի դահլիճից ազատ է արձակվում և երևի դրա գինը նա էր, որ բոլորի վրա ցուցմունք էր տվել, իսկ իմ պաշտպանյալը, որ գալիս է Հայաստան ու տալիս է ճշմարտացի ցուցմունք, ստանում է ամենախիստ պատիժը»։
Փաստաբան մտադիր է բողոքարկել առաջին ատյանի դատավճիռը․ «Պատիժն անհամաչափ է, ոչ մի նպատակի չի համապատասխանում։ Գրեթե բոլորը, ժողովրդի լեզվով ասած, գրել են մեկը մյուսի վրա, իրենց սեփական մաշկը փրկելու համար և արդյունքում ստացվել է, որ նրանք ճիշտ են։ Այնպես չէ, որ իմ պաշտպանյալը, որ ինչ-որ բան թաքցրել է, սակայն սուտ չի ասել և ոչ մեկին անտեղի բանտ չի ուղարկել, ինչպես որ մարդիկ կան, որ այս գործով արել են»։
Կարդացեք նաև՝ Պետբյուջեից 115 մլն ՀՀ դրամ հափշտակելու գործն ավարտվեց. ամբաստանյալների հարազատներն արտասվում էին դատավճռից հետո
