Տեղեկատվական գրասեղաններ
«Զվարթնոց» միջազգային օդնավակայանում գործում են Տեղեկատվական գրասեղաններ: Տեղեկատվական սեղաններ կան տեղակայված Համալիր 1-ի Մեկնման և Ժամանման սրահներում: 51 մոնիտորներ ապահովում են տեղեկատվություն օդանավակայանի ողջ տարածքում: Չվերթերի մասին տեղեկություններ կարելի է ստանալ նաեւ 1-87 հեռախոսահամարով:
Անվտանգություն
Ծառայությունն իրականացնում է հետևյալ խնդիրները՝
ա/ օդանավակայանի տարածքի, օբյեկտների և օդանավերի պահպանություն,
բ/ ուղևորների, նրանց ձեռքի իրերի, ուղեբեռի, բեռների, օդանավակայանի հատուկ վերահսկելի գոտում գսրծունեություն իրականացնող կազմակերպությունների աշխատակիցների զննում
գ/ օդանավակայնի տարածքի և ուղևորների սպասարկման գործընթացի ամբողջ պրոցեսի տեսահսկում մոտ 100 տեսախցիկներով
Ուղեբեռի պահպանումը
«Զվարթնոց» միջազգային օդնավակայանի Համալիր 1-ի Մեկնման սրահում ուղևորների ուղեբեռները պահ տալու համար կա պահեստ: Յուրաքանչյուր տեղ ուղեբեռ յուրաքանչյուր 24 ժամ պահ տալու համար գանձվում է 600 ՀՀ դրամ :
ՕՓՀ ծառայություն
Համաձայն միջազգային նորմերի պահանջների Օդանավակայանի Փրկարարական և Հակահրդեհային ծառայության գերագույն խնդիրն է փրկել մարդկային կյանքեր` արագ արձագանքելով օդանավակայանի տարածքում տեղի ունեցող որևէ արտակարգ իրավիճակի: ՕՓՀ ծառայությունը նաև նպատակ է հետապնդում ապահովելու թռիչքների, ավիացիոն տեխնիկայի և օբյեկտների հակահրդեհային անվտանգությունը:
Բեռնափոխադրումներ
«Զվարթնոց» օդնավակայանի բեռնային համալիրը սկսել է գործել դեռևս 1998թ.: Այն մատուցում է ՝
- Ժամանակակից սարքավորումներով բեռների սպասարկման ծառայություն,
- բեռների շուրջօրյա սպասարկման ծառայություն,
- բոլոր տեսակի բեռների սպասարկում, ներառյալ` AVI, DGR, HUM, PER, VAL
- մաքսային, պահեստային ծառայություններ,
- տարանցիկ տեղափոխում օդային և երկաթուղային փոխադրամիջոցներով:
