Ի՞նչ է նշանակում անհայտ բացակայող ճանաչել
ՀՀ օրենսդրության համաձայն՝ քաղաքացուն անհայտ բացակայող ճանաչում է դատարանը՝ շահագրգիռ անձի դիմումի հիման վրա.
- Եթե մեկ տարվա ընթացքում նրա բնակության վայրում տեղեկություններ չկան նրա գտնվելու վայրի մասին
- Ռազմական գործողությունների կապակցությամբ անհայտ կորած զինծառայողը կամ այլ քաղաքացին կարող է դատարանի կողմից անհայտ բացակայող ճանաչվել, եթե երեք ամսվա ընթացքում տեղեկություններ չկան զինծառայողի կամ այլ քաղաքացու գտնվելու վայրի մասին:
Ժամկետի մեկնարկի կարգը
- Բացակայողի վերաբերյալ վերջին տեղեկությունների ստացման օրը որոշելու անհնարինության դեպքում անհայտ բացակայող ճանաչելու համար ժամկետի հաշվարկի սկիզբ է համարվում այն ամսին հաջորդող ամսվա մեկը, երբ ստացված են եղել բացակայողի վերաբերյալ վերջին տեղեկությունները
- Եթե հնարավոր չէ որոշել նույնիսկ այդ ամսաթիվը, ժամկետը սկսվում է հաջորդ տարվա հունվարի 1-ից։
Անհայտ բացակայող ճանաչելու հետևանքները
Անհայտ բացակայող ճանաչված անձի գույքը, եթե դրա մշտական կառավարման անհրաժեշտություն կա, դատարանի վճռի հիման վրա տրվում է խնամակալության և հոգաբարձության մարմնի նշանակած անձին, որը գործում է այդ մարմնի հետ կնքած հավատարմագրային կառավարման պայմանագրի հիման վրա։
Գույքի կառավարիչը պարտավոր է՝
-
- մարել անհայտ բացակայողի պարտքերը,
- կառավարել գույքը անհայտ բացակայողի շահերից ելնելով,
- տրամադրել ապրուստի միջոցներ նրանց, որոնց պարտավոր էր պահել անհայտ բացակայողը։
Խնամակալության և հոգաբարձության մարմինն անհրաժեշտության դեպքում կարող է բացակայող քաղաքացու գտնվելու վայրի մասին վերջին տեղեկություններ ստանալու օրվանից մինչև մեկ տարին լրանալը, դատարանի վճռի հիման վրա, նրա գույքի կառավարիչ նշանակել:
Եթե կառավարիչ նշանակվելուց երեք տարի անց վճիռը չի վերացվել և մահացած ճանաչելու հարցով դիմում չի ներկայացվել, մարմինը պարտավոր է դիմել դատարան՝ քաղաքացուն մահացած ճանաչելու համար։
- Եթե կառավարիչ նշանակելու օրվանից երեք տարի անցնելուց հետո անձին անհայտ բացակայող ճանաչելու մասին դատարանի վճիռը չի վերացվել, և դատարան դիմում չի ներկայացվել քաղաքացուն մահացած ճանաչելու մասին, խնամակալության ու հոգաբարձության մարմինը պարտավոր է դիմել դատարան` քաղաքացուն մահացած ճանաչելու համար:
Վճիռը վերացնելու հետևանքները
- Անհայտ բացակայող ճանաչված քաղաքացու հայտնվելու կամ նրա գտնվելու վայրը հայտնաբերվելու դեպքում դատարանը վերացնում է նրան անհայտ բացակայող ճանաչելու մասին վճիռը:
- Դատարանի վճռի հիման վրա վերացվում է այդ քաղաքացու գույքի հավատարմագրային կառավարումը:
Հավելյալ տեղեկությունների համար կարող եք այցելել Իրավաբան.net մասնագիտական առցանց մեդիա։
Ծանուցում. սույն նյութը պատրաստված է միայն իրավական իրազեկման նպատակով և չի հանդիսանում իրավաբանական խորհրդատվություն։ Կոնկրետ իրավիճակներում իրավաբանական խորհրդատվություն ստանալու համար անհրաժեշտ է դիմել մասնագետի
