Հռոմի Ֆրանցիսկոս պապը մահացել է 2025 թվականի ապրիլի 21-ին, երկուշաբթի օրը, 88 տարեկան հասակում Վատիկանի Կասա Սանտա Մարտա նստավայրում։ Այս մասին հայտնում է Vatican News-ը։

Առավոտյան ժամը 9:45-ին, կարդինալ Քևին Ֆարելը հայտարարեց Հռոմի պապ Ֆրանցիսկոսի մահվան մասին։

«Սիրելի եղբայրներ և քույրեր, խոր ցավով պետք է հայտնեմ մեր սուրբ հայր Ֆրանցիսկոսի մահվան մասին։․․․ Նա սովորեցրեց մեզ ապրել Ավետարանի արժեքներով՝ առավել հավատարմությամբ և առավել համընդհանուր սիրով: Անսահման երախտագիտությամբ նրա օրինակի համար՝ որպես Տեր Հիսուսի իսկական աշակերտ, մենք գովում ենք Ֆրանցիսկոս պապի հոգին Միակ և Եռամիասնական Աստծո անսահման ողորմած սիրուն»:

Հռոմի Պապը ընդունվել է Agostino Gemelli բժշկական կենտրոն ուրբաթ օրը՝ փետրվարի 14, 2025-ին՝ մի քանի օր շարունակ բրոնխիտով տառապելուց հետո։

Հռոմի պապ Ֆրանցիսկոսի կլինիկական վիճակը աստիճանաբար վատթարացել է, և նրա բժիշկները երեքշաբթի՝ փետրվարի 18-ին, ախտորոշեցին երկկողմանի թոքաբորբ:

38 օր հիվանդանոցում մնալուց հետո հանգուցյալ Պապը վերադարձել է Վատիկանի իր նստավայր՝ Կասա Սանտա Մարտա՝ շարունակելու իր ապաքինումը։