Դատարանի կայացրած որոշումից դժգոհ են ազատամարտիկ-գնդապետ Վոլոդյա Ավետիսյանի մարտական ընկերները: Այս պահին նրանք հավաքվել են Վերաքննիչ դատարանի դիմաց` պահանջելով դատավոր Լիլիթ Թադևոսյանից իջնել և պատասխանել իրենց հուզող բոլոր հարցերին:
«Թող գա և մեզ բացատրություն տա, թե ինչու են Վոլոդյային պահում անազատության մեջ»,- բղավում են ազատամարտիկի ընկերները:
Ազատամարտիկ Կարեն Մելիքբեկյանը ցանկանում է անձամբ բարձրանալ դատավորի մոտ, որպեսզի վերջինս պատասխանի իր հարցերին:
Այս պահին հավաքվածները սպասում են դատավորի պատասխանին:
