Թբիլիսիում խորհրդարանի շենքի մոտ ընդդեմ խորհրդարանական ընտրությունների արդյունքների ընդդիմության ցույցն ավարտվել է առանց միջադեպերի, հայտնում է «ՏԱՍՍ»-ի թղթակիցը։
Հանրահավաքի կազմակերպիչներն արդեն հայտարարել են միջոցառման պաշտոնական մասի ավարտը։ Հնչել է Եվրամիության օրհներգը, որից հետո մարդիկ սկսել են հեռանալ, սակայն նրանցից ոմանք շարունակում են մնալ խորհրդարանի և նրան հարող փողոցների մոտ։ Ռուսթավելի պողոտան, որտեղ գտնվում է Վրաստանի օրենսդիր մարմինը, շարունակում է փակ մնալ։ Այնտեղ նույնպես հերթապահում են ոստիկանության ջոկատներ։
Հանրահավաքը հրավիրել էր Վրաստանի նախագահ Սալոմե Զուրաբիշվիլին, ով կարծում է, որ ընտրությունների արդյունքները կեղծվել են։
Հոկտեմբերի 26-ին Վրաստանում խորհրդարանական ընտրություններ անցկացվեցին։ Կենտրոնական ընտրական հանձնաժողովի տվյալներով՝ իշխող «Վրացական երազանք» կուսակցությունն ունի 53,9%, ձայն։
