ՌԴ ներքին գործերի նախարարությունը հերքել է այն տեղեկությունը, թե ահաբեկչության մեջ կասկածվողները Ռուսաստանի Դաշնության քաղաքացիներ են։
«Մի շարք տելեգրամյան ալիքներ այսօր հայտարարություններ են տարածել, որ չորս կասկածյալները Ռուսաստանի քաղաքացիներ են։ Այս տեղեկությունը չի համապատասխանում իրականությանը: Նրանք բոլորը օտարերկրյա քաղաքացիներ են»,- ասված է գերատեսչության հաղորդագրության մեջ։
Ներքին գործերի նախարարության և ԱԴԾ-ի միգրացիոն ստորաբաժանումը ստուգում է ձերբակալվածների Ռուսաստանում գտնվելու հիմքերը, ինչպես նաև պարզում է փաստացի բնակության հասցեները։
