«Ադրբեջանում կարմրուկով հիվանդացության հետ կապված իրավիճակը շատ լուրջ է, այն վերածվել է համաճարակի, քանի որ Ադրբեջանի որոշ շրջանների հիվանդանոցներում կան տասնյակ կարմրուկով հիվանդներ։ Ժամանակն է պաշտոնապես հայտարարել այս համաճարակի մասին»,-ադրբեջանական լրատվամիջոցների մեկին ասել է պրոֆեսոր Ադիլ Գեյբուլան՝ մեկնաբանելով կարմրուկից 7-ամյա երեխայի մահվան վերջին դեպքը։

Տեղական լրատվամիջոցների փոխանցմամբ՝ այս հիվանդությունն արդեն խլել է յոթ երեխայի և երկու դեռահաս աշակերտի կյանք։ Ադրբեջանի վիճակագրական պետական ​​կոմիտեի տվյալներով՝ հնարավոր է եղել հետևել կարմրուկի դեպքերի մասշտաբներին տարբեր տարիներին։ Այսպիսով, 2020 թվականին կարմրուկով հիվանդացել է երկու մարդ, 2019 թվականին՝ 337 մարդ, 2018 թվականին՝ 52 մարդ, 2014 թվականին՝ մեկ մարդ, 2013 թվականին՝ 102 մարդ, 2008 թվականին՝ 5 մարդ, 2005 թվականին՝ 1238 մարդ, իսկ 2000 – 212 մարդ: 2007, 2009-2012, 2015-2017 և 2021 թվականներին կարմրուկով վարակման դեպքեր չեն գրանցվել։

Առողջապահության նախարարությունն իր հերթին հայտնել է, որ այլ երկրներից վարակի ներմուծման պատճառով 2023 թվականի ապրիլից բնակչության շրջանում գրանցվել են կարմրուկի հաճախակի բռնկումներ։ Ապրիլից նոյեմբերի վերջ հանրապետությունում գրանցվել է կարմրուկով վարակման 284 դեպք։