Մոսկվայի կենտրոնում չհամաձայնեցված ցույցի ընթացքում ձերբակալված բոլոր անչափահասները իրենց ծնողների ժամանումից հետո ազատ են արձակվել: Այս մասին РИА Новости-ին ասել է Մոսկվայի երեխաների իրավունքների պաշտպան Օլգա Յարոսլավսկայան:
Երեխաների իրավունքների պաշտպան Աննա Կուզնեցովան էլ հայտնել էր, որ Ռուսաստանի մարզերից շուրջ 300 անչափահաս է բերման ենթարկվել, այդ թվում՝ մոտ 70-ը Մոսկվայում, և մոտ 30-ը ՝ Սանկտ Պետերբուրգում:
«Որքան ես գիտեմ, ոչ ոք բժշկական օգնություն չի խնդրել, անչափահասները վնասվածքներ չունեն», – ասել է Յարոսլավսկայան:
Հիշեցնենք, որ երեկ՝ հունվարի 23-ին, ռուս ընդդիմադիր քաղաքական գործիչ Ալեքսեյ Նավալնիի կողմնակիցները բողոքի ցույցեր էին անցկացնում Ռուսաստանի մի շարք քաղաքներում և բնակավայրերում։
