Վերաքննիչ քրեական դատարանի դատավոր Կարեն Մարդանյանը դատական համակարգում է 2008 թվականից:

2008 թվականից մինչև 2015 թվականն աշխատել է ԼՂՀ ընդհանուր իրավասության առաջին ատյանի դատարանի դատավոր:

2016 թվականին նախագահի հրամանագրով նշանակվել է Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարանի դատավոր:

Նախագահի 2017 թվականի փետրվարի 28-ի հրամանագրով նշանակվել է վերաքննիչ քրեական դատարանի դատավոր:

Դատավորը սկսել է հայտարարգրեր ներկայացնել 2016 թվականից:

Իրավաբան.net-ը շարունակում է ձեզ ներկայացնել դատական իշխանության ներկայացուցիչների գույքի ու եկամուտների հայտարարագրերը:

2016 թվականին Շենգավիթ վարչական շրջանի ընդհանուր իրավասության առաջին ատյանի դատարանի դատավորի պաշտոնը ստանձնելիս դատավորը հայտարարգրել է   բնակարան, հողամաս, NISSAN TEANA 2.5 մակնիշի ավտոմեքենա:

Բարձրաստիճան պաշտոնատար անձի դրամական միջոցները պաշտոնը ստանձնելու օրվա դրությամբ կազմել են 1 միլիոն դրամ և 8 հազար դոլար:

Կարեն Մարդանյանը հայտարարագրել է նաև 403 հազար 990 դրամ եկամուտ, որը ստացել է աշխատավարձից: 2016-ի տարեկան հայտարարագրում դատավորը հայտարարագրել է 1 միլիոն դրամ և 7 հազար դոլար դրամական միջոց, ինչպես նաև 3 միլիոն 567 հազար դրամ եկամուտ, որը ստացել է աշխատավարձից:

2017 թվականին ստանձնելով քրեական վերքաննիչ դատարանի դատավորի պաշտոնը, դատավորը հայտարարագրել է հողամաս, բնակարան, NISSAN TEANA 2.5 մակնիշի ավտոմեքենա, 1 միլիոն դրամ և 7000 դոլար:

Հարկային տարվա ավարտին հայտարարագրել է 580 հազար դրամ եկամուտ, որը ստացվել է աշխատավարձից:

2017-ի տարեկան հայտարարգրում դատավորը հայտարարագրել է  8 միլիոն 337 հազար դրամ եկամուտ, որը ստացվել է  2 աշխատավարձից:

2018-ի հարկային տարում դատավորը հայտարարագրել է 1 միլիոն դրամ և 8000 դոլար դրամական միջոց:

Տարվա եկամուտը կազմել է 7 միլիոն 973 հազար դրամ, որը ստացվել է 2 աղբյուրից:

• Աշխատավարձ-7 միլիոն 801 հազար դրամ,
• Ստացված փոխառություն-172 հազար դրամ:

Դատավորի կինը՝ Լուսինե Կարապետյանը հայտարարագրեր է ներկայացրել 2016, 2017 և 2018 թվականներին:

2016 թվականին Լ. Կարապետյանը հայտարարագրել է 2 միլիոն դրամ և 6000 դոլար դրամական միջոց: Եկամուտը կազմել է 564 հազար դրամ, որը ստացվել է աշխատավարձից:

2017 թվականին Լ. Կարապետյանը հայտարարագրել է 2 միլիոն դրամ և 6000 դոլար դրամական միջոց: Հարկային տարվա եկամուտը կազմել է 423 հազար դրամ, որը ստացվել է աշխատավարձից:

2018 թվականին Լ. Կարապետյանը հայտարարագրել է 1 միլիոն 500 հազար դրամ և 7000 դոլար դրամական միջոց: Դատավորի կինը հայտարարագրել է նաև 600 հազար դրամ եկամուտ, որը ստացվել է աշխատավարձից:

Ներկայացված են նաև դատավորի 3 անչաահաս զավակների՝ Տիգրան, Դիանա և Արմեն Մարդանյանների 2017 և 2018 թականի հայտարարագրերը, որոնցում տվյալներ չկան:

Ձեզ ենք ներկայացնում դատավոր Կարեն Մարդանյանի կենսագրությունը.

Ծնվել է 1975 թվականին Երևան քաղաքում:

1998 թվականին ավարտել է Երևանի «Գալիք» համալսարանի իրավաբանական ֆակուլտետը:

1998 թվականի սեպտեմբեր ամսից մինչև 1999 թվականի հունվար ամիսն աշխատել է Երևանի Շահումյանի շրջանի ժող. դատարանում՝ որպես ցրիչ:

1999 թվականից մինչև 2007 թվականն աշխատել է Երևան քաղաքի Մալաթիա-Սեբաստիա համայնքի առաջին ատյանի դատարանում նախ՝ որպես ցրիչ, ապա` գրասենյակի քարտուղար, այնուհետև՝ դատավորի օգնական, դատարանի նախագահի օգնական:

2007 թվականից 2008 թվականն աշխատել է ՀՀ վճռաբեկ դատարանում՝ որպես իրավական փորձաքննությունների վարչության ավագ մասնագետ:

2008 թվականին աշխատել է Երևանի քրեական դատարանում՝ որպես դատավորի օգնական:

2008 թվականից մինչև 2015 թվականն աշխատել է ԼՂՀ ընդհանուր իրավասության առաջին ատյանի դատարանի դատավոր:

2015 թվականին ավարտել է ՀՀ արդարադատության ակադեմիան:

2016 թվականի մարտ ամսից մինչև հունիս ամիսն աշխատել է Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանում` որպես դատավորի օգնական:

2016 թվականին ՀՀ Նախագահի հրամանագրով նշանակվել է Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարանի դատավոր:

ՀՀ Նախագահի 2017 թվականի փետրվարի 28-ի հրամանագրով նշանակվել է ՀՀ վերաքննիչ քրեական դատարանի դատավոր:

Լիլիթ Խանոյան