Երևանի ընդհանուր իրավասության դատարանի Կենտրոնի նստավայրում այսօր՝ նոյեմբերի 29-ին, տեղի կունենա գործարար, «Հ2» հեռուստաընկերության գլխավոր տնօրեն Սամվել Մայրապետյանի խափանման միջոց կալանքը երկարացնելու քննիչի միջնորդության քննարկումը:
Նրա պաշտպան Ալեքսանդր Սիրունյանը Իրավաբան.net-ի հետ զրույցում հայտնեց, որ դատավորն այժմ խորհրդակցական սենյակում է, շուտով հայտնի կլինի դատարանի որոշումը:
Նույն նիստի ժամանակ քննարկվել է նաև Սամվել Մայրապետյանի պաշտպանների՝ գրավի կիրառումը թույլատրելի ճանաչելու վերաբերյալ միջնորդությունը:
Հիշեցնենք, որ Սամվել Մայրապետյանը մեղադրվում է քրեական օրենսգրքի 38-311 հոդվածի հատկանիշներով (կաշառք ստանալուն օժանդակելը):
Պաշտպանն ավելի վաղ հայտնել էր, որ Մայրապետյանն իրեն մեղավոր չի ճանաչում:
