ՀՀ 2-րդ նախագահ Ռոբերտ Քոչարյանի փաստաբանների՝ խափանման միջոցը որոշելու գործով դատական նիստը նախագահող դատավորին՝ Ռուբիկ Մխիթարյանին ներկայացված ինքանաբացարկի միջնորդությունը դատարանը չի բավարարել:
Ավելի վաղ լրագրողների հետ զրույցում Քոչարյանի պաշտպան Հայկ Ալումյանն ասաց, որ գործի քննությունը սկսվել է օրենքի կոպիտ խախտմամբ։ Մասնավորապես դատարանը չի ապացուցել, թե ինչ չափանիշով է ընտրվել նախագահող դատավորը։
Պաշտպանը նշեց, որ օրեր առաջ լրատվամիջոցից տեղեկացել են, որ վիճակահանությամբ է գործը մակագրվել դատավոր Ռուբեն Մխիթարյանին, մինչդեռ ըստ նրա՝ նման կարգ օրենքով նախատեսված չէ։
Դատարանի կայացրած որոշումը Ալումյանը որակել է «ապօրինի»:
Ռոբերտ Քոչարյանի խափանման միջոցի վերաբերյալ հարցը կքննարկվի վաղը՝ նոյեմբերի 29-ին:
