Հակակոռուպցիոն ազգային և միջազգային օրենքները հավասարապես վերաբերում են բոլոր ձեռնարկություններին՝ անկախ դրանց մեծությունից. փոքր ընկերությունների համար ոչ մի առանձնակի բացառություն գոյություն չունի: Սակայն կարգավորողների շրջանում կա ընդհանուր մոտեցում, համաձայն որի ընկերության կողմից կոռուպցիոն ռիսկի նվազեցման ձեռնարկվող միջոցները պետք է համամասնական լինեն ընկերության մեծությանը և այն ռիսկերին, որոնց նա ենթարկվում է:

Հակակոռուպցիոն համապատասխանության ծրագիրը, անկախ այն հանգամանքից, թե ինչպե՞ս է կառուցվել դրա ներդրումը, ներառում է պատշաճ քաղաքականություններ և ընթացակարգեր, ընկերության աշխատակիցների և ղեկավարների ուսուցումներ, համակարգերի առկայություն, որոնք հնարավորություն են տալիս պատասխանել առաջադրված հարցերին, հետաքննել չարաշահումները և ապահովել մշտական վերլուծություն ու ծրագրերի կատարելագործում:

Պետք է հստակ տարվի համապատասխանության գործառույթի և էթիկայի ու կառավարելու պարտականությունների պատշաճ բաժանումը:

Համապատասխանությունը համապատասխանության ստորաբաժնման ղեկավարի միանձնյա պատասխանատվությունը չէ: Վերջին հաշվով ընկերության տնօրենների խորհուրդը և ղեկավարությունն են պատասխանատվություն կրում ընկերության համար կիրառելի օրենքներին և ներքին կանոններին հետևելու համար:

Ընկերության հենց բարձրագույն ղեկավարությունը պետք է ապահովի քաղաքականություններին և ընթացակարգերին հետևելը և հսկողության կառուցակարգերի պատշաճ ներդրումը: Արդյունավետ համապատասխանությունը պետք է լինի գործընկերություն համապատասխանության ստորաբաժանման և ղեկավարի և ընկերության ղեկավարության միջև:

Աղբյուրը՝ Միջազգային մասնավոր ձռնարկատիրության կենտրոն

Ալիսա Չիլինգարյան

Կարդացեք նաև. 

• Ի՞նչ է հակակոռուպցիոն համապատասխանությունը և որո՞նք են դրա առանցքային տարրերը
• Հայաստանում նոր ծրագիր՝ փոքր և միջին ընկերությունների համար․ որո՞նք են կոռուպցիայի դեմ պայքարի տնտեսական հիմնավորումները
• Որո՞նք են կաշառքի ոչ դրամային ձևերը
• Ի՞նչ հնարավորություններ են ընձեռվում հակակոռուպցիոն համապատասխանության ծրագիրը որդեգրած կազմակերպությունների համար