Քիչ առաջ վերաքննիչ քրեական դատարանի շենքից դուրս եկան ՀՀ երկրորդ նախագահ Ռոբերտ Քոչարյանի փաստաբաններ Հայկ Ալումյանն ու Արամ Օրբելյանը:

Նշենք, որ այսօր քննվում է Ռոբերտ Քոչարյանի խաափանման միջոց կալանքի դեմ վերաքննիչ բողոքը:

Հայկ Ալումյանը հայտնեց, որ ներկայացվել է երկու վերաքննիչ բողոք, որոնցից մեկը բաղկացած է 21, մյուսը 27 էջից: Խափանման միջոցը փոխելու վերաբերյալ փաստարկները շատ են և դրանք հակիրճ ներկայացնել չի կարող:

Նա նշեց, որ դատարանում խոսել է նաև Ռոբերտ Քոչարյանը և նրա բերած փաստարկները հետագայում կհրապարակվեն:

Այն հարցին, թե ինչպե՞ս կգնահատի դատարանի մոտեցումը, Հայկ Ալումյանը պատասխանեց՝ հավասարակշռված:

Նշենք, որ բողոքները քննվում են դատավոր Ալեքսանդր Ազարյանի նախագահությամբ:

Այսօրվա դատական նիստը ընդմիջվել է և կշարունակվի վաղը:

https://www.facebook.com/Iravabannet/videos/1342096349226780/

https://www.facebook.com/Iravabannet/videos/1342101625892919/