Առաջին ատյանի դատարանը որոշում է կայացնում գործը պարզեցված վարույթի կարգով քննելու մասին, եթե ներկայացվել է 2 000.0000 չգերազանցող գումարի բռնագանձման պահանջ:
Առաջին ատյանի դատարանը կարող է պարզեցված վարույթի կարգով քննել նաև այլ գործեր, եթե առկա է գործին մասնակցող բոլոր անձանց միջև կնքված` գործը պարզեցված վարույթի կարգով քննելու վերաբերյալ գրավոր համաձայնություն, և հայցադիմումի պատասխան ներկայացնելու համար սահմանված ժամկետում գործին մասնակցող որևէ անձ չի առարկել գործը պարզեցված վարույթի կարգով քննելու դեմ:
Առաջին ատյանի դատարանը գործը քննում է պարզեցված վարույթի կարգով նաև ՀՀ քաղաքացիական դատավարության օրենսգրքով նախատեսված այլ դեպքերում:
Իրազեկման աղբյուրը՝ ՀՀ քաղաքացիական դատավարության օրենսգրքի հոդված 297-ի 1-ին, 2-րդ և 5-րդ կետեր:
