Հայաստանում տոների և հիշատակի մասին օրերը կարգավորվում են «Հայաստանի հանրապետության տոների եվ հիշատակի օրերի մասին» օրենքով: Ըստ այդմ, Հայաստանում ոչ աշխատանքային օրեր են համարվում՝
- Ամանոր և Ծննդյան տոներ` նշվում են դեկտեմբերի 31-ից հունվարի 2-ը ներառյալ (Ամանոր), հունվարի 3-ին, 4-ին և 5-ին (նախածննդյան տոներ) և հունվարի 6-ին (Սուրբ Ծնունդ և Հայտնություն):
- Սուրբ Ծննդյան և Հայտնության տոնին հաջորդող` Մեռելոց հիշատակի օր` նշվում է հունվարի 7-ին:
- Բանակի օր՝ նշվում է հունվարի 28-ին:
- Կանանց տոն՝ նշվում է մարտի 8-ին:
- Հայոց ցեղասպանության զոհերի հիշատակի օր՝ նշվում է ապրիլի 24-ին:
- Աշխատանքի օր՝ նշվում է մայիսի 1-ին:
- Հաղթանակի և խաղաղության տոն՝ նշվում է մայիսի 9-ին:
- Հանրապետության տոն՝ նշվում է մայիսի 28-ին:
- Սահմանադրության օր՝ նշվում է հուլիսի 5-ին:
- Անկախության տոն՝ նշվում է սեպտեմբերի 21-ին:
