Երբ տեղի են ունենում ցնցումներ և դուք գտնվում եք շենքի 1-3 հարկերում, պետք է արագ դուրս գալ շենքից: Այս մասին Iravaban.net-ը տեղեկանում է Արտակարգ իրավիճակների նախարարությունից։
«Իսկ եթե գտնվում եք ավելի բարձր հարկերում, պետք է կանգնել հիմնական կրող պատերից կազմված անկյուններում, դրանցում գտնվող դռան բացվածքներում, կրող սյուների մոտ, արտաքին պատերից և պատուհաններից հեռու»,-նշվում է հաղորդագրության մեջ:
Նախարարությունից հայտնում են նաև, որ ուժեղ երկրաշարժից հետո, երբ քաղաքացիները գտնվում են դրսում կամ դուրս են եկել բնակարանից, պետք չէ անմիջապես վերադառնալ շենք․
«Անհրաժեշտ է գնալ բաց տարածություն և սպասել պաշտոնական հայտարարությանը»:
