Առողջապահության համաշխարհային կազմակերպությունը համաշխարհային մակարդակով բարձր է անվանել «օմիկրոն» շտամի հետագա տարածման հավանականությունը։
«Կախված բնութագրերից՝ COVID-19-ի հերթական լայնածավալ բռնկման դեպքում «օմիկրոնի» գոյությունը կարող է լուրջ հետևանքների հանգեցնել»,- ասվում է կազմակերպության զեկույցում։
Միևնույն ժամանակ, փաստաթղթում նշվում է, որ բժիշկները դեռևս չեն արձանագրել մահվան դեպք՝ կապված «օմիկրոնի» շտամի հետ։
ԱՀԿ-ն ավելացրել է, որ թեստերի մեծ մասն ի վիճակի է հայտնաբերել SARS-CoV-2-ի նոր տարբերակը, իսկ առկա պատվաստանյութերը կարող են պաշտպանել ծանր հիվանդություններից և մահից։
