Նախագահի նախկին թեկնածու, էպոսագետ Վարդան Սեդրակյանի գործով նախաքննությունն ավարտվել է: Այս մասին ասվում է նրա փաստաբան Ալեքսանդր Սիրունյանի գրասենյակի տարածած հաղորդագրությունում:
«ՀՀ ԱԱԾ քննչական վարչությունը մեզ է հանձնել քրեական գործի նյութերի պատճենները: Դրանք այժմ ուսումնասիրվում են: Մեկնաբանությունները կլինեն եկող շաբաթ»,- ասված է հաղորդագրությունում:
Հիշեցնենք, որ Վարդան Սեդրակյանը մեղադրվում է ԱԻՄ առաջնորդ, նախագահի նախկին թեկնածու Պարույր Հայրիկյանի դեմ սպանության փորձ կազմակերպելու մեջ: Նա կալանքի մեջ է մարտի 5-ից:
Դեպքի առթիվ ՀՀ ԱԱԾ քննչական վարչությունը Վարդան Սեդրակյանին մեղադրանք է առաջադրել Քրեական օրենսգրքի 34-38-305 հոդվածներով:
Տեղեկացնենք, որ ՀՀ քրեական օրենսգրքի 34-րդ հոդվածով սահմանվում է հանցափորձը, 38-ով` հանցակիցների տեսակները, իսկ 305-ով` պետական, քաղաքական կամ հասարակական գործչի սպանությունը։
Աղբյուրը` Իրավաբան.net
