Ռուսաստանի նախագահ Վլադիմիր Պուտինը Ֆրանսիայի նախագահ Էմանուել Մակրոնի հետ հեռախոսազրույցի ընթացքում մտահոգություն է հայտնել Ղարաբաղում բախումների և Սիրիայից ու Լիբիայից ծայրահեղականների՝ հակամարտությանը ներգրավվելու կապակցությամբ: Այս մասին հաղորդել են Կրեմլի մամուլի ծառայությունից:
Մամուլի ծառայության հաղորդմամբ՝ Պուտինը Մակրոնին մանրամասն տեղեկացրել է Ռուսաստանի կողմից ձեռնարկված քայլերի մասին՝ հանուն վաղաժամկետ հրադադարի ռեժիմի և բանակցությունների վերսկսման:
«Հաստատվել է Ռուսաստանի և Ֆրանսիայի համաձայնեցված միջնորդական ջանքերը շարունակելու փոխադարձ տրամադրվածությունը, այդ թվում` ԵԱՀԿ Մինսկի խմբի շրջանակներում », – նշվում է հայտարարության մեջ։
