Ռուսաստանի կառավարությունը քաղաքացիությունից կզրկի այն քաղաքացիներին, ովքեր կխուսափեն զինվորական հաշվառումից։ Այս մասին Իրավաբան․net-ը տեղեկանում է ТАСС-ից։
«Ռուսաստանի Դաշնության կառավարությունը աջակցում է օրինագծին, եթե այն վերանայվի՝ հաշվի առնելով վերոնշյալ մեկնաբանությունները»,- ըստ ТАСС-ի՝ ասված է նախարարների կաբինետի պաշտոնական հայտարարությունում։
Օրինագիծը պատրաստել են «Միասնական Ռուսաստան» կուսակցության պատգամավորներ Անդրեյ Կարտապոլովը, Անդրեյ Կրասովը, Էռնեստ Վալեևը և Վասիլի Պիսկարևը։ Առաջարկվող փոփոխությունները վերաբերում են «Զինվորական պարտականությունների և զինվորական ծառայության մասին» և «Քաղաքացիության մասին» օրենքներին։
Հեղինակները առաջարկում են չեղյալ համարել զինվորական հաշվառումից խուսափողների ձեռք բերած քաղաքացիությունը: Կանոնակարգի համաձայն՝ քաղաքացիություն ստանալուց հետո անձը պետք է երկու շաբաթվա ընթացքում ներկայանա զինվորական կոմիսարիատ կամ մեկ շաբաթվա ընթացքում դիմում ներկայացնի «Госуслуги»-ի կայքի միջոցով: Օրինագծի համաձայն, եթե անձը դա չի անում, կտրվի «եզրակացություն, որը հաստատում է զինվորական հաշվառման պարտավորություններից խուսափելու փաստը»:
