Forbes ամսագիրը հրապարակել է 100 ամենաթանկ ապրանքանիշերի ամենամյա վարկանիշը: Այս մասին հայտնում է Дождь-ը։
Արդեն 10-րդ տարին անընդմեջ այն գլխավորում է Apple-ը։ Առաջին 5 հորիզոնականը զբաղեցնում են այն ընկերությունները, որոնք նախորդ տարի ևս լավագույն հնգյակում էին․ ցանկը $241․2 մլրդ-ով գլխավորում է Apple-ը, ընկերությանը հաջորդում է Google-ը ($207․5 մլրդ), Microsoft-ը ($162․9), Amazon-ը ($135․4) և Facebook-ը ($70․3)։
Ամենաթանկ ապրանքանիշերի լավագույն տասնայկում են հայտնվել նաև Coca-Cola-ն, Disney-ը, Samsung-ը, Louis Vuitton-ը և McDonald’s-ը: 2020-ին այս ցանկից դուրս են եկել Phillips, Hewlett Packard Enterprise և Kellogg’s ապրանքանիշերը, ավելացել՝ Nintendo-ն, Hennessy-ն, Burger King-ը և AXA-ն։
Վարկանիշային աղյուսակում ընդգրկված բրենդերի ընդհանուր արժեքը 2․33-ից 2․54 տրլն դոլարի միջակայքում է։ Ընկերությունների կեսից ավելին ԱՄՆ-ում են, կան նաև գերմանական՝ 10, ֆրանսիական՝ 9, ճապոնական 6 և շվեյցարական 5 ընկերություն։
