Սևան-Երևան ավտոճանապարհին տեղի ունեցած պայթյունի հետևանքով երկու մեքենա է վնասվել։ Այս մասի Իրավաբան.net-ի հետ զրույցում ասաց ՀՀ ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը։
«Այս պահին ճանապարհահատվածը փակ է։ Երևան մուտքը հնարավոր է Աբովյան քաղաքի միջով։ Դեպքի վայրում ոստիկանությունը հսկողություն է իրականացնում։ Նախաքննություն է ընթանում»,-նշեց Էդգար Ջանոյանը։
Արտակարգ իրավիճակների նախարարությունից տեղեկանում ենք, որ վերոնշյալ ավտոճանապարհի մոտ 30 մ հատվածը դարձել է դժվարանցանելի: Պայթյունի հետևանքով ճանապարհի երթևեկելի հատվածում առաջացել է մոտ 60 սմ խորությամբ, 1.5 մ լայնությամբ և մոտ 5 մ երկարությամբ փոս: Վնասվել են «Patriot Nissan» և «Range Rover» մակնիշների ավտոմեքենաները:
Կտրվի լրացուցիչ տեղեկություն:
![](https://iravaban.net/wp-content/uploads/2019/08/18666.jpg)
![](https://iravaban.net/wp-content/uploads/2019/08/18668.jpg)
![](https://iravaban.net/wp-content/uploads/2019/08/18669.jpg)
![](https://iravaban.net/wp-content/uploads/2019/08/18671.jpg)
![](https://iravaban.net/wp-content/uploads/2019/08/18672.jpg)
![](https://iravaban.net/wp-content/uploads/2019/08/18675.jpg)
![](https://iravaban.net/wp-content/uploads/2019/08/18676.jpg)