«Հասարակական կազմակերպությունների մասին» ՀՀ օրենքի 10-րդ հոդվածի 3-րդ մասի համաձայն՝ հասարակական կազմակերպություն կարող է հիմնադրել առնվազն երկու ֆիզիկական և (կամ) իրավաբանական անձ:
Հասարակական կազմակերպության գրանցման կամ վերագրանցման համար անհրաժեշտ տվյալները ներկայացվում են Հայաստանի Հանրապետության իրավաբանական անձանց պետական ռեգիստրի գործակալություն (հասցե՝ ՀՀ,0051, Երևան, Կոմիտասի պող., 49/3 շենք, 9-րդ հարկ, Արաբկիր վարչ. շրջան): Գրանցում կամ վերագրանցում հնարավոր է իրականացնել նաև առանց ՀՀ իրավաբանական անձանց պետական ռեգիստրի գործակալություն ֆիզիկապես ներկայանալու: Մասնավորապես՝ ՀՀ կառավարության 2016 թվականի հոկտեմբերի 27-ի N1109-Ն որոշման հավելված 1-ով սահմանված օպերատորների միջոցով՝
- «ՀԱՅՓՈՍՏ» փակ բաժնետիրական ընկերություն
- «ԱՐԴՇԻՆԲԱՆԿ» փակ բաժնետիրական ընկերություն
- «ԱՄԵՐԻԱԲԱՆԿ» փակ բաժնետիրական ընկերություն
- «ԿՈՆՎԵՐՍ ԲԱՆԿ» փակ բաժնետիրական ընկերություն
Փաստաթղթերը ՀՀ իրավաբանական անձանց պետական ռեգիստրի գործակալություն հնարավոր է ներկայացնել վերոնշյալ ընկերությունների գրասենյակների միջոցով:
