Զինծառայող Լյուքս Ստեփանյանի սպանության գործով 17 տարվա ազատազրկման դատապարտված Դավիթ Խաչատրյանն առողջական խնդիրներ ունի:
ՀՀ ԱՆ քրեակատարողական վարչության հանրային կապերի բաժնից Իրավաբան.net-ին հայտնեցին, որ Դավիթ Խաչատրյանն այս պահին գտնվում է Վանաձոր ՔԿՀ-ում բժիշկների խիստ հսկողության տակ. «Անհրաժեշտության դեպքում նրան կտեղափոխեն դատապարտյալների հիվանդանոց»:
Դավիթ Խաչատրյանի պաշտպան Երեմ Սարգսյանը Իրավաբան.net-ի հետ զրույցում նշեց, որ իր պաշտպանյալի մոտ ողնաշարի կիստա է ախտորոշվել:
Նա մեզ նաև տեղեկացրեց, որ առաջիկա օրերին պատրաստվում է վերաքննիչ բողոք ներկայացնել:
