.png)
Հայաստանի Հանրապետության Նախագահի 2014թ. մարտի 20-ի հրամանագրով Արմեն Բեկթաշյանը նշանակվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան դատավոր:
ՀՀ դատական դեպարտամենտի տեղեկատվական կենտրոնի փոխանցմամբ` Հայաստանի Հանրապետության վճռաբեկ դատարանի նախագահ Արման Մկրտումյանը մարտի 24-ին, ձևավորված ավանդույթի համաձայն, Վճռաբեկ դատարանի քրեական պալատի նախագահի, Դատական դեպարտամենտի և Արդարադատության խորհրդի աշխատակազմի ղեկավարի մասնակցությամբ Երևան քաղաքի Կենտրոն և Նորք-Մարաշ վարչական շրջանների առաջին ատյանի դատարանի դատավորներին ու աշխատակազմին ներկայացրել է նորանշանակ դատավորին:
Նշենք, որ ավելի վաղ Արարատի և Վայոց ձորի մարզերի ընդհանուր իրավասության դատարանի նախկին դատավոր Արմեն Բեկթաշյանն արժանացել էր մարզերի դատարաններից քրեական գործեր քննող 2013 թվականի «Տարվա լավագույն դատավոր» կոչմանը:
Լուսանկարը` dataran.am-ի
