Հայաստանի Հանրապետության քրեական օրենսգիրքը սահմանում է պատասխանատվություն այն դեպքերի համար, երբ անձը չի ցուցաբերում անհրաժեշտ օգնություն կամ գիտակցաբար թողնում է մեկ ուրիշին կյանքի կամ առողջության համար վտանգավոր վիճակում։
Ի՞նչ է համարվում «վտանգի մեջ թողնելը»
ՀՀ քրեական օրենսգրքի 182-րդ հոդվածի համաձայն՝ վտանգի մեջ թողնելը կարող է արտահայտվել հետևյալ ձևերով․
- Կյանքի կամ առողջության համար վտանգավոր վիճակում գտնվող և ինքնապահպանության միջոցներ ձեռնարկելու հնարավորությունից զրկված անձին անհրաժեշտ և ակնհայտ անհետաձգելի օգնություն ցույց չտալը, եթե հանցավորն այդ անձին օգնություն ցույց տալու իրական հնարավորություն է ունեցել։
- օգնություն ցույց տալու անհրաժեշտության մասին համապատասխան մարմիններին չհաղորդելը, եթե պարտավոր չի եղել հոգ տանել նրա մասին և ինքը նրան չի դրել կյանքի համար վտանգավոր վիճակի մեջ
Այսպիսի դեպքերում նախատեսվում է․
- տուգանք՝ առավելագույնը տասնապատիկի չափով, կամ
- հանրային աշխատանքներ՝ մինչև 100 ժամ տևողությամբ։
Երբ վտանգի մեջ թողնելը դիտվում է ավելի ծանր
Եթե անձը․
- պարտավոր է եղել խնամել վտանգի մեջ հայտնվածին, կամ
- հենց ինքն է նրան դրել կյանքի կամ առողջության համար վտանգավոր վիճակի մեջ (առանց դիտավորությամբ կյանքից զրկելու կամ վնաս հասցնելու նպատակի),
ապա պատասխանատվությունը կարող է լինել ավելի խիստ՝
- տուգանք՝ առավելագույնը քսանապատիկի չափով, կամ
- հանրային աշխատանքներ՝ 80-150 ժամ տևողությամբ, կամ
- որոշակի պաշտոններ զբաղեցնելու կամ գործունեությամբ զբաղվելու իրավունքից զրկում՝ մինչև 3 տարի ժամկետով, կամ
- ազատության սահմանափակում՝ մինչև 2 տարի ժամկետով։
Վատթարացնող հանգամանքներ
Նախատեսված արարքը, որը կատարվել է`
- հղի կնոջ նկատմամբ,
- անչափահասի նկատմամբ,
- հանցավորից նյութական կամ այլ կախվածության մեջ գտնվողի նկատմամբ,
- հոգեկան առողջության խնդիրներ ունեցող անձի նկատմամբ, կամ
- մերձավոր ազգականի, զուգընկերոջ կամ նախկին զուգընկերոջ կողմից։
Այս դեպքերում նախատեսվում է․
- տուգանք՝ 20-50ապատիկի չափով, կամ
- հանրային աշխատանքներ՝ 150-270 ժամ տևողությամբ, կամ
- որոշակի պաշտոններ զբաղեցնելու կամ գործունեությամբ զբաղվելու իրավունքից զրկում՝ 3-7 տարի ժամկետով, կամ
- ազատության սահմանափակում՝ մինչև 3 տարի ժամկետով, կամ
- կարճաժամկետ ազատազրկում՝ 1-2 ամիս ժամկետով։
Կարևոր է իմանալ
- Օգնություն ցուցաբերելը կամ դրա մասին համապատասխան մարմիններին հաղորդելը համարվում է ոչ միայն բարոյական, այլև իրավական պարտավորություն։
- Վտանգի մեջ թողնելու հանցակազմը առկա է միայն այն դեպքում, երբ օգնության ցուցաբերումը եղել է հնարավոր և ակնհայտ անհրաժեշտ։
Հավելյալ տեղեկությունների համար կարող եք այցելել Իրավաբան.net մասնագիտական առցանց մեդիա։
Ծանուցում. սույն նյութը պատրաստված է միայն իրավական իրազեկման նպատակով և չի հանդիսանում իրավաբանական խորհրդատվություն։ Կոնկրետ իրավիճակներում իրավաբանական խորհրդատվություն ստանալու համար անհրաժեշտ է դիմել մասնագետի։
