Iravaban.net-ը ներկայացնում է ԱԺ պատգամավոր Հովիկ Աղազարյանի՝ ԿԿՀ-ին ներկայացված գույքերի և եկամուտների վերջին հայտարարագիրը։
Հայտարարատու պաշտոնատար անձի ընտանիքի անդամների մասին տվյալները
Հովիկ Աղազարյանը համատեղ բնակվում էր կնոջ՝ Մարգարիտ Աղազարյանի (հիշեցնենք՝ Աղազարյանի կինը վերջերս հեռացավ կյանքից), և որդու՝ Հովսեփ Աղազարյանի հետ։
Անշարժ գույք
Պատգամավորը ներկայացրել է հողամաս, որը տնօրինում է միանձնյա սեփականության իրավունքով։ Այն գտնվում է Արարատի մարզի Սուրենավան գյուղում։
Հայտարարագրված է նաև համատեղ սեփականության իրավունքով բազմաբնակարան բնակելի շենք՝ Երևանում։
Տարվա վերջում նշված տվյալները փոփոխության չեն ենթարկվել։
Տրանսպորտային միջոց
Հովիկ Աղազարյանը հաշվետու տարվա ընթացքում ներկայացրել է 2012 թվականին թողարկված CHEVROLET մակնիշի ավտոմեքենա։
Կանխիկ դրամ
Տվյալ տարվա սկզբում առկա կանխիկ դրամը կազմել է 6,000,000, տարվա վերջում նշված գումարը դարձել է 3,000,000 դրամ։
Հաշվետու տարվա եկամուտներ
Պատգամավորը Ազգային ժողովից ստացել է եկամուտ՝ 10,751,710 դրամի չափով։
Ստացված վարկերի և փոխառությունների մայր գումարի մնացորդը 2023-ի դեկտեմբերի 31-ի դրությամբ
Բանկերից մեկում փոխառությամբ վերցված գումարի չափը կազմել է 9,430,000 դրամ։
Վարկի մայր գումարի մնացորդը տարբեր բանկերում կազմել է՝ 1,427,450 դրամ, 20,702,824 դրամ, 642,530 դրամ, 2,899,918 դրամ։
Վարկի մայր գումարի մնացորդի չափը մի քանի բանկերում միասին կազմել է 25,672,722 դրամ։
Նշենք, որ Հովիկ Աղազարյանը վերջերս հայտնեց, որ պատրաստվում է կուսակցություն ստեղծել և այն անվանել «Միասնական ազգային սահմանադրական կուսակցություն» (ՄԱՍԿ)։ Կուսակցության անդամ է լինելու նաև պատգամավոր Հակոբ Ասլանյանը։
Ներկայացնում ենք նաև Հակոբ Ասլանյանի գույքերի և եկամուտների հայտարարագիրը։
Հայտարարատու պաշտոնատար անձի ընտանիքի անդամների մասին տվյալները
Հակոբ Ասլանյանը համատեղ բնակվում է կնոջ՝ Ալվարդ Խաչատրյանի հետ։
Տվյալ տարվա սկզբում առկա անշարժ գույք
Պատգամավորը հայտարարագրել է համատեղ սեփականության իրավունքով բազմաբնակարան բնակելի շենք՝ Երևանում, որը ձեռք է բերել 1986 թվականի հուլիսի 1-ից։
Բանկային ավանդներ
Բանկերից մեկում ներկայացված է 1,000,000 դրամի չափով ավանդ, մեկ այլ բանկում՝ 6,000 դոլարի չափով։ Տարվա վերջում այդ գումարները չեն փոփոխվել։
Կանխիկ դրամ
Տարվա սկզբում Ասլանյանի մոտ առկա կանխիկ դրամը կազմել է 1,000,000 դրամ։ Տարվա վերջում գումարի չափը նույնն է մնացել։
Հաշվետու տարվա եկամուտներ
Ազգային ժողովի կողմից պատգամավորը եկամուտ է ստացել 10,751,710 դրամի չափով։
ՀՀ աշխատանքի և սոցիալական հարցերի նախարարությունից կենսաթոշակ է ստացել 825,000 դրամի չափով։
Պատգամավորի ընդհանուր եկամուտները կազմել են 11,576,710 դրամ։
Ստացված վարկերի և փոխառությունների մայր գումարի մնացորդը 2023-ի դեկտեմբերի 31-ի դրությամբ
Վարկի մայր գումարի մնացորդի չափը նշված ժամանակահատվածի դրությամբ կազմել է 400,000 դրամ։
