Սալոմե Զուրաբիշվիլին չի լքել նախագահական նստավայրը․ դեկտեմբերի 29-ին լրանում է նրա պաշտոնավարման ժամկետը
Նախագահը տեսաուղերձ է ձայնագրել։
«Ողջույններ Օրբելիանի պալատից. ես այստեղ եմ, և կմնամ, կգիշերեմ այստեղ: Վաղը առավոտյան ժամը 10-ին սպասում եմ ձեզ (ցուցարարներին) Օրբելիանի պալատում, և այստեղից կասեմ, թե ինչ գործողություններ ենք կատարելու։ Ես ձեզ կասեմ, թե ինչպիսին են լինելու հաջորդ օրերը և ինչպիսին են լինելու հաղթանակի օրերը»:
Նշենք՝ Վրաստանի նոր նախագահ, նախկին ֆուտբոլիստ Միխեիլ Կավելաշվիլիի երդմնակալությունը տեղի կունենա վաղը՝ դեկտեմբերի 29-ին, ժամը 11:00-ին։ Արարողությունը տեղի կունենա խորհրդարանում։
Սալոմե Զուրաբիշվիլին չի ճանաչում «Վրացական երազանք»-ի կողմից ընտրված նորընտիր նախագահին և ասում է, որ չի պատրաստվում հեռանալ, սակայն կոնկրետ ծրագրերի մասին դեռ չի խոսել։
Վարչապետ Իրակլի Կոբախիձեն ասել է, որ Զուրաբիշվիլիին քրեական հետապնդում է սպառնում, եթե նա չլքի պետության ղեկավարի նստավայրը։
Տեսանյութը՝ այստեղ։
