Վրաստանում շարունակվում են բողոքի ցույցերը։ Երեկ երեկոյան Ռուսթավելիում շարունակվել են բողոքի ակցիայի մասնակիցների ձերբակալությունները։ Ներքին գործերի նախարարության տվյալներով՝ մեկ գիշերվա ընթացքում բերման է ենթարկվել 50 մարդ։ Այս մասին հայտնում է «Ռուսթավի 2» վրացական աղբյուրը։
Վերջին օրերին ձերբակալվածների ընդհանուր թիվը գերազանցել է 200-ը։ Փաստաբանները հայտնում են, որ ձերբակալվածներից մի քանիսն ազատ են արձակվել, իսկ մյուսները գտնվում են ժամանակավոր պահման վայրերում կամ բուժհաստատություններում։ Օրվա ընթացքում նախատեսվում է քննարկել վարչական հարցեր։ Ձերբակալվածները մեղադրվում են ոստիկանությանը չենթարկվելու և խուլիգանության մեջ։
Որոշ փաստաբաններ խնդրում են հետաձգել դատական նիստերը, քանի որ ամբաստանյալների մի մասի մոտ հայտնաբերվել են վնասվածքներ և կոտրվածքներ։
