Boeing-ը հայտարարել է, որ մտադիր է կրճատել իր համաշխարհային աշխատուժի 10%-ը, քանի որ բախվում է ֆինանսական ճնշման և արտադրության հետաձգմանը:
Այս մասին հայտնում է Aerospace global news-ը։
Աղբյուրի փոխանցմամբ՝ ընկերության նախագահ և գործադիր տնօրեն Քելլի Օրտբերգի հայտարարությունը հնչում է անհանգիստ ժամանակաշրջանում ընկերության համար, որը պայքարում է իր անձնակազմի հետ լարված հարաբերությունների և շարունակական գործադուլի դեմ, ինչը խոչընդոտում է ընկերության գործունեությունը:
Աշխատատեղերի կրճատումները, որոնք կազդեն բոլոր մակարդակների աշխատակիցների վրա, ներառյալ ղեկավարների, ավելի լայն վերակազմավորման մի մասն են, որոնք ուղղված են ընկերության երկարաժամկետ մրցունակության ապահովմանը, հայտնել է Օրտբերգը:
Աշխատակիցներին ուղղված նամակում Boeing-ի գործադիր տնօրենն ընդունել է ընկերության վերականգնման համար անհրաժեշտ «կոշտ որոշումները»՝ ընդգծելով հիմնական ոլորտների վրա կենտրոնանալու և ռեսուրսների պարզեցման անհրաժեշտությունը:
