Ռուսաստանը պատրաստ է շարունակել ջանքերը, որոնք հանգեցնում են Հարավային Կովկասում խաղաղության և կայունության հաստատմանը։
Այս մասին այսօր ամենշաբաթյա ճեպազրույցի ժամանակ ասել է ՌԴ ԱԳՆ մամուլի ծառայության ղեկավար Մարիա Զախարովան՝ պատասխանելով հարցին, թե արդյոք Մոսկվան պատրա՞ստ է գործընկեր դառնալ Հայաստանի կողմից ականապատ դաշտերի քարտեզները Ադրբեջանին փոխանցելու հարցում։
«Մենք միշտ մեծ ուշադրություն ենք դարձրել հայ-ադրբեջանական կարգավորման հումանիտար խնդիրներին»,-ասել է Զախարովան՝ հավելելով, որ Ռուսաստանը ակտիվորեն աջակցել է անհայտ կորածների որոնման և ականապատ դաշտերի քարտեզների փոխանցման հարցում։
Հիշեցնենք, որ ՀՀ Ազգային անվտանգության ծառայությունը հայտնել էր Ադրբեջանին ականապատ դաշտերի 8 նոր տեղեկամատյաններ փոխանցելու մասին։
