Օկուպացված Արցախի Հանրապետությունից բռնի տեղահանված 82-ամյան Ռազմելլա Չիլինգարյանը  Iravaban.net-ի «Արցախ․ հայերի ցեղասպանություն 2023. վերապրածների պատմություններ» փաստագրական նախագծի շրջանակներում ասում է, որ անցել է բոլոր պատերազմների միջով։

Նա ասում է, որ իր ամուսնու հետ մեծ տուն է կառուցել Արցախում, չորս երեխա է ունեցել։

«1988 թվականի շարժման ժամանակ տղաս Խաբարովսկում էր ծառայում։ Ասել եմ՝ դրությունը շատ վատ է, կգնաս քրոջդ մոտ՝ Սարմաղանդ։ Երկու ասմիս մնաց, հետո ասաց՝ եթե գյուղում դրությունն այդքան վատ է, ես պետք է գամ։ Երեք տղաներս էլ մասնակցել են»,-ասաց մեր զրուցակիցը։

 Տիկին Ռազմելլան նշում է, որ Գանձասարի Վանք գյուղից միայն մեկ անգամ է դուրս եկել, երբ տղան առաջին պատերազմում վիրավորում է ստացել, եկել է Երևան, որպեսզի որդուն խնամի։

«Մեկ ամիս հետո ես վերադարձա գյուղ։ Էն օրվանից մինչև հիմա ես գտնվում եմ Գանձասարի Վանք գյուղում։ Ու ինչ էլ լինի ուշք ու միտքս մեր տանն է։»,-նշեց նա։

 Մանրամասները՝ տեսանյութում։

——————————————————————————————————————

Iravaban.net-ի «Արցախ․ հայերի ցեղասպանություն 2023. վերապրածների պատմություններ» փաստագրական նախագիծը նպատակ ունի հավաքագրել Ադրբեջանի կողմից օկուպացված Արցախից բռնի տեղահանված քաղաքացիների հիշողություններն ու վկայությունները՝ Ադրբեջանի կողմից թույլ տրված Արցախի հայերի ցեղասպանության, վայրագությունների, պատերազմական օրերի, տեղահանության ճանապարհի և այլնի մասին։

Iravaban.net-ը օգնության խնդրանքով դիմում է այն քաղաքացիներին, ովքեր կամավորության սկզբունքով նյութերը կթարգմանեն տարբեր լեզուներով՝ ռուսերեն, անգլերեն, ֆրանսերեն, արաբերեն, պարսկերեն, թուրքերեն, վրացերեն, չինարեն․․․

Կարող եք գրել մեր էլ-հասցեին՝ [email protected]

Նախագծի իրականացման նպատակով նվիրատվություններ կատարելու համար` https://iravaban.net/become-a-supporter

Մանրամասները՝ տեսանյութում։

 Հասմիկ Սարգսյան