ԵՊՀ 1-ին մասնաշենքի նկուղային հարկի սենյակներից մեկում հրդեհ է բռնկվել։ Այս մասին հայտնում է ԵՊՀ խոսնակ Քնար Միսակյանը։
«Հարգելի՛ գործընկերներ,
ԵՊՀ 1-ին մասնաշենքի նկուղային հարկի սենյակներից մեկում հրդեհ է բռնկվել։
Այժմ հրդեհը մարված է, իրականացվում են համապատասխան գործողություններ։
Նախնական վարկածով հրդեհն առաջացել է հոսանքի տատանումից։
Ավելի ուշ հանդես կգանք լրացուցիչ հայտարարությամբ»,-նշվում է հայտարարության մեջ։
Քնար Միսակյանը հայտնել է նաև, որ ԵՊՀ-ում բռնկված հրդեհի հետևանքով կան մեկ զոհ և երեք վիրավոր։ ԵՊՀ-ում տեղի ունեցած հրդեհի հետևանքով տուժածները վարչական աշխատակիցներ են:
