Արզիկ Աղասյանը Iravaban.net-ի «Արցախ․ հայերի ցեղասպանություն 2023. վերապրածների պատմություններ» փաստագրական նախագծի շրջանակներում պատմել է, որ տեղահանվել է Մարտակերտի շրջանից։

Սեպտեմբերի 19-ին Ադրբեջանի հարձակումից հետո նա ընտանիքի հետ ուղևորվել է Ստեփանակերտ․ «Թուրքն ամենավտանգավոր մարդն է»։

Ստեփանակերտում այդ մի քանի օրը, մինչև Հայաստան տեղափոխվելը, 68-ամյա կինը անցկացրել է նկուղում․ «Լավ է՝ հասցրել եմ փաստաթղթերը վերցնեմ։ Մեկ էլ երեխայիս (թոռան) նկարն եմ բերել։ 44-օրյա պատերազմի ժամանակ է մահացել, հոկտեմբերի 22-ին»։

Ասում է՝ ասելու շատ բան կա, ուղղակի չի կարողանում արտահայտվել։ Հակարիի կամրջի վրա ադրբեջանցիների հանդիպել են․ «Թուրքերեն գիտեմ, բայց վախեցել եմ խոսել»։

Մի ամիս է, ինչ Արզիկ Աղասյանը Արմավիրի կացարաններից մեկում է բնակվում։ Տների վարձավճարները մեծ են, ինքն ու աղջիկը չեն կարողանում տուն գտնել։

——————————————————————————————————————

Iravaban.net-ի «Արցախ․ հայերի ցեղասպանություն 2023. վերապրածների պատմություններ» փաստագրական նախագիծը նպատակ ունի հավաքագրել Ադրբեջանի կողմից օկուպացված Արցախից բռնի տեղահանված քաղաքացիների հիշողություններն ու վկայությունները՝ Ադրբեջանի կողմից թույլ տրված Արցախի հայերի ցեղասպանության, վայրագությունների, պատերազմական օրերի, տեղահանության ճանապարհի և այլնի մասին։

Iravaban.net-ը օգնության խնդրանքով դիմում է այն քաղաքացիներին, ովքեր կամավորության սկզբունքով նյութերը կթարգմանեն տարբեր լեզուներով՝ ռուսերեն, անգլերեն, ֆրանսերեն, արաբերեն, պարսկերեն, թուրքերեն, վրացերեն, չինարեն․․․

Կարող եք գրել մեր էլ-հասցեին՝ [email protected]

Նախագծի իրականացման նպատակով նվիրատվություններ կատարելու համար` https://iravaban.net/become-a-supporter

Մանրամասները՝ տեսանյութում։

Iravaban.net-ի «Արցախ․ հայերի ցեղասպանություն 2023. վերապրածների պատմություններ» փաստագրական նախագծի գաղափարի հեղինակը Իրավաբանների հայկական ասոցիացիան է և վերջինիս է պատկանում նախագծի շրջանակներում ստեղծված նյութերի հեղինակային իրավունքը։ Նախագծի շրջանակներում պատրաստված նյութերից օգտվելու դեպքում հարկավոր է ստանալ Իրավաբանների հայկական ասոցիացիայի գրավոր թույլտվությունը։