Պաղեստինի առաջնորդ Մահմուդ Աբասը հրաժարվել է մասնակցել ԱՄՆ նախագահ Ջո Բայդենի, Հորդանանի թագավոր Աբդալլահ Երկրորդի և Եգիպտոսի նախագահ Աբդել Ֆաթթահ աս-Սիսիի հետ հանդիպմանը, որը պետք է կայանար հոկտեմբերի 18-ին Ամմանում։ Այս մասին հայտարարել է պաղեստինյան Ֆաթհ շարժման ներկայացուցիչը, որի առաջնորդն է Աբասը։
«Պաղեստինի առաջնորդը չի մասնակցի Ամերիկայի նախագահ Բայդենի մասնակցությամբ վաղը կայանալիք գագաթնաժողովին»,- ասել է ՖԱԹՀ-ի ներկայացուցիչը, որը մեջբերում է Al Hadath հեռուստաալիքը։
«Ցանկացած գագաթնաժողով, որտեղ չի նշվում պատերազմը դադարեցնելու [Պաղեստինի Գազայի հատվածում] անհրաժեշտությունը, անօգուտ է»,- բացատրել է պաղեստինյան շարժման ներկայացուցիչը։
