Իսրայելական բանակը լայնածավալ հարձակում է սկսել Գազայի հատվածի վրա։ Այս մասին հայտարարել է Իսրայելի պաշտպանության նախարար Յոավ Գալանտը․ փոխանցում է ՏԱՍՍ-ը։
«Ես հանել եմ բոլոր սահմանափակումները, մեզ մոտ վերականգնվել է վերահսկողությունը Իսրայելի տարածքի նկատմամբ, և մենք անցնում ենք լայնամասշտաբ հարձակման», – ասել է նախարարը սահմանից ոչ հեռու իսրայելցի զինծառայողների հետ հանդիպման ժամանակ։
Դիմելով զինվորականներին՝ Գալանտն ընդգծել է, որ նրանց վրա մեծածավալ խնդիրներ են դրվելու։
«Այստեղ դուք հնարավորություն կունենաք փոխել իրականությունը: ՀԱՄԱՍ-ը փոփոխություն էր ուզում Գազայում, ամեն ինչ կփոխվի 180 աստիճանով, քան իրենք սպասում էին: Նրանք կզղջան այս պահի համար»,- ասել է Իսրայելի պաշտպանության նախարարության ղեկավարը։
