RT հեռուստաալիքի գլխավոր խմբագիր Մարգարիտա Սիմոնյանը հայտնել է, որ ինքը զրպարտության մասին հաղորդում է ներկայացրել Մոսկվայի քաղաքային դումայի պատգամավոր Նիկոլայ Կորոլևի նախկին օգնականի դեմ, ով բողոք է ուղարկել ՌԴ Քննչական կոմիտե և ՆԳՆ՝ Սիբիրում միջուկային պայթյունի մասին նրա խոսքերից հետո։ Այս մասին նա գրել է իր տելեգրամյան ալիքում։
«Ես դիմում եմ ներկայացրել ինչ-որ պատգամավորի օգնականի դեմ, ով դիմում է ներկայացրել իմ դեմ։ «Զրպարտություն» հոդվածով», – ասել է նա։
Նրա խոսքով՝ տղամարդը գրել է, որ Սիմոնյանը «առաջարկել է միջուկային հարված հասցնել Ռուսաստանի Դաշնության տարածքին»։
«Ես, իհարկե, նման հերետիկոսություն չեմ առաջարկել և չէի կարող առաջարկել»,- նշել է նա։
RT-ի գլխավոր խմբագիրը հավելել է, որ «մնացած զրպարտողները նույնպես պետք է պատրաստվեն»։
