Հավաքական անվտանգության պայմանագրի կազմակերպության (ՀԱՊԿ) անդամ երկրները, անհրաժեշտության դեպքում, պատրաստ կլինեն Կովկասում դաշնակցի «թիկունքին կանգնել»։ Այս մասին մամուլի ասուլիսում ասաց ՀԱՊԿ միացյալ շտաբի պետ, գեներալ-գնդապետ Անատոլի Սիդորովը՝ պատասխանելով հարցին, թե արդյոք Հայաստանի որոշումը՝ իր տարածքում ՀԱՊԿ զորավարժություններ չանցկացնելու մասին, կազդի կազմակերպության աշխատանքի վրա։ Այս մասին գրում է ТАСС լրատվական գործակալությունը
«Եթե իրավիճակը պահանջի կովկասյան տարածաշրջանում հավաքական անվտանգության համակարգի ուժերի և միջոցների ներգրավում, կարծում եմ, որ ՀԱՊԿ անդամ երկրները պատրաստ կլինեն իրենց դաշնակցին «թիկունքին կանգնել» կովկասյան տարածաշրջանում»,- ասաց նա։
