Հրքվել է այն լուրը, թե երգչուհի Ալլա Պուգաչովայի թոռը՝ Նիկիտա Պրեսնյակովը, մոբիլիզացվել է Մոսկվայի Գուբերնսկի թատրոնից:
Ինչպես արդեն հայտնել էինք, Թատրոնի մամուլի ծառայությունից նախ հրաժարվել էին մեկնաբանություն տալ, իսկ ավելի ուշ տեղեկություններ էին հայտնվել, որ թատրոնը հերքել է հաղորդագրությունը։
Ավելի ուշ Նիկիտա Պրեսնյակովը Telegram-ի իր ալիքում ասել է, որ իր մոբիլիզացիայի մասին տեղեկատվությունը կեղծ է։
Նիկիտա Պրեսնյակովը 31 տարեկան է, ծնվել է 1991 թվականին Լոնդոնում։ Նրա ծնողներն են ՌԴ վաստակավոր արտիստ Քրիստինա Օրբակայտեն և երգիչ Վլադիմիր Պրեսնյակով կրտսերը։ Ալլա Պուգաչովան սեպտեմբերի 29-ին իր մանկահասակ երեխաների հետ մասնավոր ինքնաթիռով մեկնել է Ռուսաստանի Դաշնությունից։
Ավելի վաղ նա բացասաբար էր արտահայտվել Ռուսաստանի իշխանությունների մասին։ Պուգաչովայի ամուսինը՝ հումորիստ Մաքսիմ Գալկինը, որն ավելի վաղ Ռուսաստանի Դաշնությունում ճանաչվել էր որպես օտարերկրյա գործակալ, նույնպես լքել է Ռուսաստանը։
